შუახევის მერიაში, სახელმწიფო გრანტის მქონე სტუდენტების დაჯილდოების ცერემონია გაიმართა.
შუახევის მერი, ომარ ტაკიძე წარჩინებულ ახალგაზრდებს შეხვდა, რომლებმაც წარმატებით ჩააბარეს ერთიანი ეროვნული გამოცდები და სხვადასხვა უმაღლესი სასწავლებლების სტუდენტები გახდნენ.
შეხვედრას შუახევის საკრებულოს თავმჯდომარე, როსტომ ლორთქიფანიძე, მერის მოადგილე, გურამ ზოიძე, საკრებულოს განათლების, კულტურის, სპორტის, ახალგაზრდულ საქმეთა და ტურიზმის საკითხთა კომისიის თავმჯდომარე, ფატი ჭაღალიძე, რესურსცენტრისა და მერიის ახალგაზრდობის საქმეთა განყოფილების წარმომადგენლები ესწრებოდნენ.
ომარ ტაკიძემ, ახალგაზრდებს მიღწეული წარმატება მიულოცა და ნაყოფიერი სტუდენტობა და პროფესიული განვითარება უსურვა.
მუნიციპალიტეტში, სახელმწიფო გრანტი რვა ახალგაზრდამ მიიღო. მათგან, უმაღლესი შეფასება 70%-იანი გრანტი, საქართველოს საპატრიარქოს ხიჭაურის წმიდა გრიგოლ ხანძთელის სახელობის სკოლის მოსწავლე, ნონა ბოლქვაძემ მიიღო. 50%-იანი სახელმწიფო გრანტის მფლობელები გახდნენ ნიგაზეულის საჯარო სკოლის მოსწავლე ანა კეკელიძე, შუბნის საჯარო სკოლის მოსწავლე მიშა შაინიძე, ჭვანის საჯარო სკოლის მოსწავლე ირაკლი ამაღლობელი, ხიჭაურის საჯარო სკოლის მოსწავლე ანა ბერიძე, ხაბელაშვილების საჯარო სკოლის მოსწავლე საბა ბოლქვაძე, საქართველოს საპატრიარქოს ხიჭაურის წმიდა გრიგოლ ხანძთელის სახელობის სკოლის მოსწავლეები ლუკა ზოიძე და ნატა ცინცაძე.
ღონისძიება, მიზნად ისახავს ახალგაზრდებში სწავლის მოტივაციის ამაღლებას, მათ წახალისებასა და განათლების ხელშეწყობას. წარმატებულ სტუდენტებს ერთჯერადად ფულადი ჯილდო, სიგელები და სამახსოვრო საჩუქრები გადაეცათ.
