შუახევის მუნიციპალიტეტის მერიის მხარდაჭერითა და BAU-ს საერთაშორისო კლინიკის ორგანიზებით, შშმ პირთა დღის ცენტრში სოციალური სამედიცინო აქცია მიმდინარეობს.
სოციალური აქციის მიმდინარეობას შუახევის მერის მოადგილეები მირიან აბაშიძე, გიორგი კეკელიძე და მერიის ჯანმრთელობისა და სოციალური დაცვის სამსახურის უფროსი პაატა ქათამაძე გაეცნენ.
აქციის ფარგლებში, მოსახლეობას სხვადასხვა სპეციალიზაციის კვალიფიციური ექიმ-სპეციალისტების გუნდი უფასო სამედიცინო კვლევებს (ლაბორატორიულსა და ინსტრუმენტულს) და კონსულტაციებს სთავაზობს.
სამედიცინო მომსახურება მოიცავს შემდეგ მიმართულებებს: კარდიოქირურგია, კარდიოლოგია-არითმოლოგია, ნევროლოგია, ანგიოქირურგია, ტრავმატოლოგია და რევმატოლოგია.
სამედიცინო აქციის მიზანია პროფილაქტიკური მედიცინის ხელშეწყობა, ჯანმრთელობის საკითხებზე ცნობიერების ამაღლება და ადგილობრივი მოსახლეობისთვის თანამედროვე, საერთაშორისო სტანდარტებზე დაფუძნებული სამედიცინო მომსახურების უზრუნველყოფა
