აჭარის სოფლის მეურნეობისა და გარემოს დაცვის სამინისტროს ა(ა)იპ აგროსერვის ცენტრის „მეფუტკრეობის განვითარების ხელშეწყობის" ქვეპროგრამის ფარგლებში, მეფუტკრე ფერმერებისთვის სკების გადაცემის პროცესი დაიწყო.
შუახევის მუნიციპალიტეტში სკების განაწილების პროცესს შუახევის მერი ომარ ტაკიძე, საკრებულოს თავჯდომარე იაგო დავითაძე, აგროსერვის ცენტრის დირექტორი მირზა სუქნიშვილი, ადგილობრივი თვითმმართველობისა და აგროსერვის ცენტრის წარმომადგენლები ადგილზე გაეცნენ.
შუახევის მუნიციპალიტეტში, პროგრამის ფარგლებში, მეფუტკრე ფერმერებს 100-მდე სკა გადაეცემათ. ქვეპროგრამა აჭარის რეგიონის ყველა მუნიციპალიტეტში ხორციელდება და ჯამში მეფუტკრე ფერმერებისთვის 2 000 სკის გადაცემას ითვალისწინებს.
