შუახევის მუნიციპალიტეტის მერი ომარ ტაკიძე საქართველოს მწერალთა შემოქმედებითი კავშირის წევრ შუახეველ ავტორებს შეხვდა.
შეხვედრის ფარგლებში მუნიციპალიტეტის მერმა სტუმრებს გააცნო შუახევის მუნიციპალიტეტში განხორციელებული და მიმდინარე პროექტები, მუნიციპალიტეტის საქმიანობის ძირითადი მიმართულებები და მუნიციპალიტეტის განვითარების სამომავლო გეგმები.
მხარეებმა ისაუბრეს კულტურისა და ლიტერატურის განვითარების მნიშვნელობაზე, შემოქმედებითი სფეროს მხარდაჭერასა და სამომავლო თანამშრომლობის პერსპექტივებზე.
შეხვედრაზე განსაკუთრებული ყურადღება დაეთმო მუნიციპალიტეტის ისტორიას, მდიდარ კულტურულ მემკვიდრეობასა და ადგილობრივი ტრადიციების შენარჩუნების მნიშვნელობას.
შეხვედრას ასევე ესწრებოდნენ საქართველოს პარლამენტის დელეგატი წევრი ანზორ ბოლქვაძე, მერის მოადგილე გიორგი კეკელიძე, საკრებულოს თავმჯდომარის მოადგილეები ფრიდონ ფუტკარაძე და თენგიზ ივანაძე.
