შუახევში მხატვრული ლიტერატურისა და ინგლისური ენის მოყვარულთა მუნიციპალური კლუბების შემაჯამებელი ღონისძიება გაიმართა.

ღონისძიებას შუახევის მუნიციპალიტეტის მერი ომარ ტაკიძე დაესწრო, რომელმაც ახალგაზრდებს წარმატებები უსურვა და აღნიშნა, რომ მუნიციპალიტეტი მომავალშიც აქტიურად დაუჭერს მხარს საგანმანათლებლო ინიციატივებს.

პროექტი უკვე მეხუთე წელია წარმატებით ხორციელდება შუახევის მერიის მხარდაჭერითა და რესურსცენტრის ინიციატივით, რომლის მიზანია ახალგაზრდების ცნობიერებისა და მოტივაციის ამაღლება, სხვადასხვა საგანმანათლებლო ღონისძიებაში, კონკურსსა და ოლიმპიადაში მათი აქტიური ჩართულობის ხელშეწყობა.

მიმდინარე წელს პროექტში VII-IX და X-XI კლასების 120 მოსწავლე მონაწილეობდა. კლუბების წევრებს აქტიური მონაწილეობისათვის სერტიფიკატები გადაეცათ, ხოლო მასწავლებლები მადლობის ბარათებით დაჯილდოვდნენ.

ღონისძიებას ასევე ესწრებოდნენ საკრებულოს თავმჯდომარე იაგო დავითაძე, მერის მოადგილე გიორგი კეკელიძე, რესურსცენტრის ხელმძღვანელი ედუარდ გოგრაჭაძე, მოწვეული სტუმრის სტატუსით მსახიობი ზურაბ ცინცქილაძე, თვითმმართველობისა და რესურცენტრის წარმომადგენლები.