შუახევის მუნიციპალიტეტის მერი ომარ ტაკიძე ხიჭაურის ცენტრისა და მიმდებარე ტერიტორიის კეთილმოწყობის სამუშაოებს გაეცნო.
პროექტის ფარგლებში აქტიურად მიმდინარეობს მოსამზადებელი სამუშაოები. დაგეგმილია მრავალბინიანი საცხოვრებელი სახლების ეზოებისა და სკვერის კეთილმოწყობა. დაიგება ასფალტ-ბეტონის საფარი, მოეწყობა ფერდსამაგრი კედლები, დეკორატიული განათება, წყლის კუთხე და მიწისქვეშა კომუნიკაციები.
დასრულდა ხიჭაურში გმირთა მემორიალისა და მიმდებარე ტერიტორიის კეთილმოწყობა. აშენდა სკვერი და ბელვედერი (გადმოსახედი სივრცე), მოეწყო გარე განათება, სველი წერტილები და განთავსდა მგზავრთა მოსაცდელები.
პროექტი მიზნად ისახავს სოფლის ცენტრებში ადგილობრივი მოსახლეობისთვის საჭირო ინფრასტრუქტურის მოწესრიგებასა და ტურისტებისთვის მიმზიდველი გარემოს შექმნას.
მერთან ერთად ინფრასტრუქტურულ ღონისძიებებზე იმყოფებოდნენ საკრებულოს თავმჯდომარე იაგო დავითაძე და აჭარის უმაღლესი საბჭოს წევრი ფრიდონ ფუტკარაძე.
