აჭარის განათლებისა და სპორტის სამინისტროს ინიციატივით, სკოლებში ზურაბ გორგილაძის შემოქმედებისადმი მიძღვნილი კვირეულის ფარგლებში, იაგო მიქელაძის სახელობის ბუთურაულის საჯარო სკოლაში ღონისძიება გაიმართა.
ღონისძიებას ესწრებოდნენ შუახევის მუნიციპალიტეტის მერი ომარ ტაკიძე, რესურსცენტრის უფროსი ედუარდ გოგრაჭაძე და სხვა ხელმძღვანელი პირები.
საღამოზე კიდევ ერთხელ გაიხსენეს ზურაბ გორგილაძის ცხოვრებიდან ეპიზოდები, წაიკითხეს პოეტის შემოქმედებიდან სახალხოდ ქცეული ლექსები და პოეზიის მარგალიტები, ასევე წარმოდგენილი იყო ქორეოგრაფიული ნომრები.
ღონისძიება მიზნად ისახავდა ზურაბ გორგილაძის პოეზიის პოპულარიზაციას, ასევე მოსწავლეებში შემოქმედებითი უნარების აღმოჩენასა და წახალისებას.
