ხელოვნებისა და მოსწავლე ახალგაზრდობის სკოლაში დედაენის დღისადმი მიძღვნილი ღონისძიება გაიმართა.
ღონისძიებას შუახევის მერი ომარ ტაკიძე ესწრებოდა, რომელმაც შეხვედრის მონაწილეებს დედაენის დღე მიულოცა და ქართული ენის სახელმწიფოებრივ და კულტურულ მნიშვნელობაზე ისაუბრა.
მოსწავლეებმა დედაენის თემატიკაზე წაიკითხეს ლექსები, შეასრულეს სიმღერები და წარმოადგინეს მრავალფეროვანი მხატვრული ნომრები, რითაც კიდევ ერთხელ წარმოაჩინეს ქართული ენის სიმდიდრე და ეროვნული მნიშვნელობა.
ომარ ტაკიძესთან ერთად ღონისძიებას ესწრებოდნენ მერის მოადგილე გიორგი კეკელიძე, საკრებულოს თავმჯდომარე იაგო დავითაძე და ადგილობრივი თვითმმართველობის წარმომადგენლები.
