შუახევის მუნიციპალიტეტის მერმა ომარ ტაკიძემ, მერიის სამსახურის უფროსებთან სამუშაო შეხვედრა გამართა.
ომარ ტაკიძემ სფეროების მიხედვით, მოისმინა ინფორმაცია შესრულებული სამუშაოებისა და უახლოეს პერიოდში დაგეგმილი ღონისძიებების შესახებ.
შეხვედრაზე განიხილეს დღის წესრიგით გათვალისწინებული მნიშვნელოვანი საკითხები. ყურადღება გამახვილდა მუნიციპალიტეტის საქმიანობის პრიორიტეტულ მიმართულებებზე, მათ შორის ინფრასტრუქტურულ პროექტებზე, ჯანდაცვისა და სოციალურ პროგრამებზე, ასევე კულტურის სფეროში დაგეგმილ ღონისძიებებზე.
შესაბამის სამსახურებს მიეცათ კონკრეტული დავალებები და რეკომენდაციები დაგეგმილი საქმიანობების დროულად და ეფექტურად განხორციელების მიზნით.
შეხვედრას მერის მოადგილეები მირიან აბაშიძე და გიორგი კეკელიძე ესწრებოდნენ.
