შუახევის მუნიციპალიტეტის მერიის მხარდაჭერითა და სპორტული ცენტრის ორგანიზებით, კურორტ გომარდულში გაიმართა აგვისტოს ომში დაღუპულთა ხსოვნის ტურნირი სათხილამურო სპორტში - სლალომში.
შეჯიბრში ბარათაულის, გომარდულის, ოლადაურის, მაწყვალთის საჯარო სკოლის მოსწავლეები და ბათუმის შოთა რუსთაველის სახელმწიფო უნივერსიტეტის სტუდენტები მონაწილეობდნენ.
საპრიზო ადგილებზე გასულ სპორტსმენებს გადაეცათ თასები, მედლები, სიგელები და სამახსოვრო საჩუქრები.
ღონისძიებას ესწრებოდნენ შუახევის მერი ომარ ტაკიძე, საკრებულოს თავმჯდომარე იაგო დავითაძე, სსიპ ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე, აგვისტოს ომის გმირის, ამირან მამალაძის მამა, გურამ მამალაძე, თვითმმართველობის, ვეტერანების საქმეთა სახელმწიფო სამსახურისა და ბსუ-ს წარმომადგენლები.
