შუახევის მუნიციპალიტეტის მერმა, ომარ ტაკიძემ ადმინისტრაციულ ერთეულებში მერის წარმომადგენლებთან და თანაშემწეებთან სამუშაო თათბირი გამართა.
შეხვედრაზე განიხილეს ინფრასტრუქტურული პროექტების მიმდინარეობა, სოციალური მიმართულებით გასატარებელი ღონისძიებები, მოსახლეობის საჭიროებები და ადმინისტრაციულ ერთეულებში არსებული გამოწვევები. ასევე ისაუბრეს მოქალაქეთა მომსახურების ხარისხის გაუმჯობესებისა და ადგილობრივ დონეზე პრობლემების დროული გამოვლენისა და ეფექტიანი გადაჭრის მნიშვნელობაზე.
სამუშაო შეხვედრის ფარგლებში განიხილეს მაღალმთიან დასახლებაში მუდმივად მცხოვრებ პირთა სტატუსთან დაკავშირებული საკითხები, მათ შორის კანონმდებლობით განსაზღვრული რეგულაციები, სტატუსის მინიჭების პროცედურები და ადმინისტრაციულ ერთეულებში არსებული პრაქტიკული საკითხები.
შეხვედრას ესწრებოდნენ შუახევის მუნიციპალიტეტის მერის მოადგილეები მირიან აბაშიძე, გიორგი კეკელიძე და მერიის სამსახურის ხელმძღვანელები.
